უფასო შესვლა: 5 წლამდე ასაკის ბავშვებისთვის აუზის ტერიტორიაზე შემოსვლა უფასოა. აუცილებელია ბავშვის ასაკის დამადასტურებელი დოკუმენტის (დაბადების მოწმობის დედანი ან ასლი) წარმოდგენა.

უსაფრთხოება: ტერიტორიაზე არ არის გამოყოფილი სპეციალური საბავშვო აუზი. ბავშვი მუდმივად უნდა იმყოფებოდეს მშობლის ან სრულწლოვანი მეურვის მკაცრი მეთვალყურეობის ქვეშ.

VIP მრგვალი შეზლონგები (№33, 36, 39, 42, 45): გათვლილია 2 სტუმარზე — ერთი ჯავშნის ღირებულება სრულად მოიცავს ორივე ადამიანის ვიზიტს. მესამე სტუმრის განთავსება დაუშვებელია.

დანარჩენი შეზლონგები: გათვლილია 1 სტუმარზე. თითოეული სტუმრისთვის აუცილებელია ცალკე ჯავშანი.

შეზლონგის თვითნებურად გადაადგილება ან სხვისი დაჯავშნილი ადგილის დაკავება დაუშვებელია.

1+1 აქცია: ვრცელდება მხოლოდ სტანდარტულ შეზლონგებზე, VIP მრგვალზე — არა.

გასახდელები და ლოქერები: ლოქერების ამოწურვის შემთხვევაში სტუმრებს შეუძლიათ ისარგებლონ გამოსაცვლელი სივრცეებით — ასეთ დროს ძვირფასი ნივთები თან იქონიეთ შეზლონგთან.

პასუხისმგებლობა: გასახდელებში ვიდეომონიტორინგი არ მიმდინარეობს. ადმინისტრაცია პასუხს არ აგებს უყურადღებოდ დატოვებულ ან დაკარგულ ნივთებზე.

თმის შეკვრის ვალდებულება: წყლის სისუფთავის მაქსიმალურად დასაცავად, აუზში ჩასვლა ნებადართულია მხოლოდ შეკრული თმით. თმაგაშლილი ბანაობა დაუშვებელია.

სასმელი აუზში: წყლის დაბინძურების თავიდან ასაცილებლად, აუზში სასმლის ჩატანა აკრძალულია — მირთმევა დასაშვებია მხოლოდ შეზლონგებთან.

კვების ზონა: შეზლონგებთან საკვების მიღება დაუშვებელია — ისარგებლეთ კაფის სპეციალური ზონით.

გარედან შემოტანა: ნებისმიერი საკვების/სასმლის გარედან შემოტანა კატეგორიულად აკრძალულია.

აუზის ტერიტორიაზე დაშვებულია მხოლოდ პატარა (დეკორატიული) ჯიშის შინაური ცხოველების შემოყვანა, მეპატრონე ვალდებულია გააკონტროლოს, რომ არ მივიდეს აუზის სიახლოვეს.

სტუმარი ვალდებულია გაუფრთხილდეს კომპანიის ქონებას. ლოქერის გასაღების დაკარგვის ან დაზიანების შემთხვევაში მოქმედებს ჯარიმა 10 ₾ ოდენობით.

გადახდის დადასტურების შემდეგ QR ბილეთი ავტომატურად იგზავნება ჯავშნისას მითითებულ ელ-ფოსტაზე. გთხოვთ, შემოსვლისას წარადგინოთ ბილეთი მობილურის ეკრანზე ან ამობეჭდილი სახით.

ერთჯერადი გამოყენება: თითოეული QR კოდი მოქმედებს მხოლოდ მითითებულ თარიღზე და სკანირდება ერთხელ. ბილეთის გაზიარება ან გადაცემა დაუშვებელია.

თუ ბილეთი გადახდიდან 15 წუთში არ მოვიდა, შეამოწმეთ „სპამის" საქაღალდე ან დაგვიკავშირდით.